Gōrolka

/kōnsek/

Prziszła ci dzisiej dō nas gōrolka,

Przilazła z wielkim miechym na plecach.

Chciała se siednyć i wody szolka,

Bo już dziyń cały tak chodzi, przeca.

A jak se dychła trocha dopiyro,

Zaroz zaczyno swoja zachwolka:

-Kupcie Panocku – miech swōj ôtwiyro –

Jako warzecha, abo rogolka.

Przido sie w dōma, Wōm, abo babie,

Tyn fajny tłōczek, czy nudelkula,

Abo te piykne drzewianne grabie.

Wszysko na izba z miecha wysuła.

(…)