Franciku, Franciku

Franciku, Franciku, co tam robisz w chlywiku,
Franciku, Franciku, co ty robisz tam?
Jo tam lygóm bez zima, tak bez zima,
Bo sie podzioć kaj niy ma, toć, toć kaj niy ma..

Boroku, boroku, co szukosz w tym hasioku,
Boroku, boroku, co ty szukosz tam?
Zbiyróm biksy po piwie, toć po piwie,
Chca zarobić uczciwie, toć toć uczciwie.

Nō, co ty, nō, co ty, dyć poszukej roboty,
Nō, co ty, nō, co ty. Roboty sie chyć.
Idź na gruba, ci godōm, dyć, ci godōm,
Niy bydź lebrym za młody, toć, toć za młodu,

Starziku, starziku, co godocie, pierniku,
Starziku, starziku, co godocie sam?
Gruby downo zawrzyte, dyć zawrzyte,
A piniōndze przepite, toć, toć, przepite.

Niystety, niystety, niy ma na cygarety,
Niystety, niystety, niy ma za co żyć.
Jak go biyda dopadnie, dyć dopadnie,
Starzikowi ukradnie, toć, toć, ukradnie,

Mōj Ślōnsku, mōj Ślōnsku, co to bydzie na kōńcu,
Mōj Ślōnsku, mōj ślōnsku, co to bydzie sam.
Jak niy bydzie roboty, dyć roboty,
To, co bydzie sam potym, toć, toć, sam potym?

Wy młodzi, wy młodzi, co bydziecie sam robić,
Wy młodzi, wy młodzi, co zrobicie sam?
Pojadymy na saksy, dyć na saksy,
Bo tam bydzie inakszy, toć, toć, inakszy.