Śpiywki ślōnski

Familijo chałpy mijo

30 grudnia, 2019 /

Familijo chałpy mijo,
Szuko placu troszka.
Choć klupali, niy dostali
Nikaj kōnska łōżka.
Nocka cicho, a sam śpiycho
Sie Dzieciōntku na świat.
W starej szopie Go w utropie
Urodziyła Matka.

Nynej, nynej se Jezusku
Na sianku we deczce,
A Mamulka Ci na uszko
Kolybanka szepce.
Zefek widzi, że Ci zima
Seblyk swoja jakla,
I Marija chustka sjyna,
A zicherkōm zapła.

Pastuszki już przileciały
Za nimi zwierzina,
Chciołby jedyn piesek mały
Robić za pierzina,
Tōż wyskoczōł do żłōbeczka,
A lygo na sianie,
Chce Cie ôgrzoć choć troszyczka
Nasz Niebieski Panie.

Nynej, nynej se Jezusku
Na sianku we deczce,
A Mamulka Ci na uszko
Kolybanka szepce.
Zefek widzi, że Ci zima
Seblyk swoja jakla,
I Marija chustka sjyna,
A zicherkōm zapła.