Dwa szerszynie

Dwa szerszynie we basynie chcōm sie napić wody.
Ôsa zamkła, wziyna klamka, bo narobiōm szkody.
Te chachary, młody, stary, nażarły sie gruszek
Zgerowanych, tōż naprani i festy ich suszy.
Krzidła klapły, szłapy z waty, łep puchnie jak bania.
Biydno ôsa starość mo sam, bo zaś bydzie na nia.
Była w mieście, tōż, uwierzcie, niy zdōnżyła z jodłym.
Na zagrodzie se ô głodzie gizdy gruszki znodły.
Teraz leżōm, niy wylezōm, bo zamkła im dźwiyrze.
Co to zmiyni u szerszni? Ôsa wōntpi. Szczyrze.