Dwa bracio

Cudne sōm plaże na karaibach
I te kelnerki w bikini,
Afryka cudōw dużo mo chyba:
Safari, słonie, Murziny.
Piykno je nasza, staro, Europa,
Atyny, Paryż, Rzym,
Ale jo za to przeca niy moga,
Że jo tam swoji wiym:

Ref. Dycko do Ciebie chca wracać,
Dycko tukej chca żyć,
Bo my sōm, jak dwa bracio,
Mōj Ślōnsku – jo i ty.

Piyknie je nawet i we Australii,
Kaj te kangury miyszkajōm,
Niech wyjyżdżajōm wielcy i mali,
Jak kasy za tela majōm.
Jak jo wyjada, kajś kōnsek dalij,
Kaj lufty czyste sōm,
Głowa mie boli, serce mi wali
I nazod dudōm gnōm.

Ref. Dycko do Ciebie chca wracać…

Ślōnzok familok swōj potrzebuje,
Z sōmsiadym musi pogodać,
Tu wiy czym dycho, tu swōj luft czuje,
Jak wyńdzie se na zegroda.
Tu mo swōj kościōł, tu ôjcowizna,
I tu mo tyż swōj szynk,
Chocioż niy kożdy umi sie prziznać,
to jo tam swoji wiym.

Ref. Dycko do Ciebie chca wracać…