Dowiedziały sie pastuszki

Dowiedziały sie pastuszki, że sie Pōn Bōg rodzi,
Tōż Go kożdy chce prziwitać: i starzi i młodzi,
Na tym naszym świecie.

Jedyn na wole, drugi na kole,
Tyn na kameli, wszyscy by chcieli
Nawiydzić Pana.

Pełne już sōm gōrski drōżki, pełne polne miedze,
Bo na gibko wszyscy lecōm, a kożdy chce wiedzieć,
Co sie to sam stało?

Jedyn na wole, drugi na kole,
Tyn na kameli, wszyscy by chcieli
Nawiydzić Pana.

Przilecieli kaj Betlyjce, co pod lasym stoła,
A zejrzeli, jak Marijka Dzieciōnteczku przoła,
A Zeflika przi niyj.

Jedyn na wole, drugi na kole,
Tyn na kameli, wszyscy by chcieli
Nawiydzić Pana.

I Trzi Krōle kajś ze wchodu tyż już gwiozdka widzōm,
Tōż pytajōm sie Heroda, do Betlejym idōm,
A geszynki niesōm.

Jedyn na wole, drugi na kole,
Tyn na kameli, wszyscy by chcieli
Nawiydzić Pana.

Kozoł Anioł Zeflikowi jechać do Egiptu:
Bier Dzieciōntko na yjzelka a uciekej gipko,
Bo Was Herod szuko.

Jedyn na wole, drugi na kole,
Tyn na kameli, wszyscy by chcieli
Nawiydzić Pana.