Do Ślōnzokōw

Ślōnzoki niy gynsi,
tyż swōj jynzyk majōm,
choć dzisiej niyliczni
już yno godajōm.

Jak tak dalij pudzie,
to jynzyk zaginie,
wymrzōm starzi ludzie
i Ślōnsk tyż przeminie.

Tōż jo dzisiej wołōm,
pisza sam te słowa:
Jeszcze niy niyskoro!
Uczcie sie ôd nowa!

Angelski Wy znocie,
ruski gawaricie,
niymiecki szprechocie,
godać niy umicie.

Prziszły nowe czasy,
szkoły idzie kōńczyć,
godka ôjcōw naszych
z polskōm mowōm łōnczyć.