DELETE

Siedza se przi kawie i zawiyrōm ôczy,
Zdo mi sie tak prawie, że wōnio kołoczym,
Widza te posypki, tyn syr, te ôkruszki,
W pojstrzodku ruzynki, że lizać paluszki…

Tak żech sie rozmarzōł, ślinka ôblizowoł,
Żech niy zauważōł, kedych wylōndowoł
Pyskiym w klawiaturze, z kawōm na galotach,
Już niy byda dłōżyj siedzioł tu po nocach.

Kuba wystraszōny, wyskoczōł spod stołka
Bo kawōm ôbloty, na łeb spadła szolka,
Wierszyk skasowany, niy ma go, niystety,
Jo nacis, zaspany, nosym na DELETE.