Dej pozōr

Dej pozōr, Frida,
Bo jak tam przida,
A jak cie chyca,
kaj kole zica,
abo sie mina
i kole glina
pazurōm grabna,
jak cie dopadna…
Dyć Frida piszczy,
że se klajd zniszczy,
przewraco ôczy,
niby sie boczy,
ze strachu wyje,
pod stōł sie kryje,
a mo uciecha,
jak kole miecha
synka kaj grabnie.
Wypino zgrabnie
do grzychu ciało.
Dyć, co sie stało?
Bydzie co wiyncyj?
Dziewiynć miesiyncy
I sie pokoże.
Figle ukorze.