Czyni, czy ni

W rymizie w jednej wsi
Sie rymy źle, zdo sie mi,
Czyto.
Czy to
Rym czyni dym, czy ni?
Kto czytać niy poradzi,
Niech sie Chińczka poradzi.
Czy o tym wiysz, że Chińczyk ryż
Zamias rże sadzi sōm do wody?
Sōm na to dowody!
Jo tam niy w pora poszoł,
Bo jeszcze wczora posioł reszta.
Mōm nadzieja, jo zasieja chocioż reż ta.
Mie niy wadzi: ryż, czy reż,
Możesz sadzić to, co chcesz:
Cześnie, jak banie,
Śliwki na wieprzkach.
A co zostanie –
Ślywki do wieprzka.
Kto doczytoł do terazka,
Niech uśmiycho sie „co łaska”
I jynzyka niy połōmie.
Jo w wierszykach pisza „ô mie”.
Lepszy z jynzykym wyrobiać graczki,
Niż z polityki dostować pł(sr)aczki.