Czy godce idzie przoć

Czy godce idzie przoć?
Chwolić sie niōm? Nō toć!
Jak słysza ta mowa,
To dźwigōm tak głowa
I chcioł bych ruszyć w lot,
Polecieć choćby ptok.
I żol, że ni mōm krzideł,
Bo lecioł bych, jak fliger,
A sioł bych słōw tysiōnce,
Jak mlyczy, kajś na łōnce.
Jak kolorowe kwiotka,
Niech kwitnie Ślōnsko Godka,
Szmakuje, choćby miōd.
Ôch, jakbych lecieć mōg…
Dyć człowiek ni mo krzideł,
Tōż mu jedynie przidzie
Tym krōtkim sam wierszykym
Pochwolić sie jynzykym.
Czy godce idzie przoć?
Chwolić sie niōm? Nō toć!