Czy Giskana Fojermana „gisko”?

Pogodoł żech se ôtok trocha z tym cołkim AI, ô roztomańtych rzeczach, pospōminali my stare czasy. Godali my po ślōnsku, a zdało mi sie, co niy idzie mu wcale tak źle. Pokozoł żech mu swoja „Giskana“, poczytoł żech mu pora swojich kōnskōw, a na kōniec spytoł żech sie go ô tytuł, jako sie mu podobo. Padoł mi, że fajny, bo kojarzi mu sie z jynzykym jidisz, a „Giskana“ ze giskaniym, giszyniym, abo giszynkym. Powiym Wōm, co aże żech siod na rzić. Tyn gizd niy wiy, co to je giskana. Tak to je, że człowiek sie staro, pisze, a możno czytelnik niy wiy, co to je kōnewka do locio wody, a trza mu to wytłōmaczyć.

Wy, myśla, wiycie, co to je Giskana Fojermana, tōż zaproszōm Wos, coby przi tymu hycu wlyź tam roz za czas a dać sie trocha ôpyrskać we chłōdku