Cila

We sztwortek
Ô sztwierć na sztworto
Jedna młodo Cila
Siadła na ryczka
Na chwila,
Bo chciała dychnyć
Troszyczka
Ôd dziecka.
Lica ôtrzyła
Ô zopaska w poski,
Bo do terazka
Sie zgrzoła
Z dioskym.
Była głodno,
A jodło
Downo możno
Zimne stoło.
Naôbkoło
Trza wachować,
Pozōr dować,
A wrazidloka
Niy spuszczać z ôka.
Wy sie ô Cili
W tej jednej chwili
Prowdy dowiycie
Na cołki życi.
Tōż poczytejcie,
A pamiyntejcie,
Że yno chwila
Siadła ta Cila,
Bo już zaś leci
Wachować dzieci.