Brzimowo chojinka

Kōmbinowoł kedyś brzim,
Jako sam pogodać, z kim,
Coby Gody były w lecie?
„Wtedy żech je piykny przecież.
Wōniōm fajnie, kolorowo” –
Tak se tyn brzim kōmbinowoł. –
„Jegły dycko mi urosnōm,
A krōluja w lesie wiosnōm.
Jak zrobiymy w lecie świynta,
Weznōm brzima na chojinka.
Poôblykōm sie w lameta,
Byda świyciōł sie z daleka”.
Usłyszala brzōzka brzima,
Co bez listkōw je bez zima.
-Coś to zaś wymyślōł brzimie?
Niy wygupiej sie sam przi mie.
Dyć chojinkōm były dycki:
Świyrki, jodły, a sośniczki.