Bojeczka ô Balbinie

Siedzi gōnska we kinie,
Pilōntko trzimie na klinie,
A tam praje na binie
Leci film ô Balbinie.
Balbina je już fest staro,
Tōż sie tak trocha staro,
Że niy wszystko pamiynto.
Dlō niyj to tyż je świynto,
Jak we filmie, na zdjynciu,
Pokozać może pilynciu,
A potym ôpowiedzieć
Ô życiu downej gowiedzi.
Jak ze Ptysiym, kokotym,
Lotali po placu pod płotym.
Na stołku przi balbinie
Ptyś, ze kurzōntkym na klinie,
Siedzi a trocha tak ślimto,
Bo ôn jeszcze pamiynto,
Te swoji młode lata,
A dziwo sie tak na ta
Gynś staro, siwo, pod krykōm,
A sie jōm po cichu tak pyto:
-Co czako te nasze wnuki?
Jaki im dōmy nauki?
Czy jejich pilynta, kurzynta,
Bydōm ô ôjcach pamiyntać,
Jak ich trzimały na klinie,
Abo to wszystko przeminie,
A yno we mobilnioku
Trefiōm sie roz we roku?