Bier szpajza na rajza

To je zygor, a to wajzer,
To je młotek, a to majzel,
To je rugzak, kajś na rajza,
To je moczka, a to szpajza.

Moczka, szpajza, rugzak, rajza,
Młotek, majzel, zygor, wajzer.

To je cipka, a to kwuka,
To je jajco, a to szupa,
To je ryczka, a to lauba,
To je waszpek, a to krauza.

Waszpek, krauza, ryczka, lauba,
Jajco, szupa, cipka, kwuka,
Moczka, szpajza, rugzak, rajza,
Młotek, majzel, zygor, wajzer.

To je kołocz, a to zista,
To je galan, a to libsta,
To je koło, to sōm kōłka,
To je zic, a to je rułka.

Zic a rułka, koło, kōłka,
Galan, libsta, kołocz, zista,
Waszpek, krauza, ryczka, lauba,
Jajco, szupa, cipka, kwuka,
Moczka, szpajza, rugzak, rajza,
Młotek, majzel, zygor, wajzer.

To je wierszyk, to sōm słowa,
Tōż rusz głowa, a ćwicz mowa.
Trza nōm czytać, pisać, wiedzieć.
Gańba, to je cicho siedzieć.

Gańba siedzieć. Czytać, wiedzieć.
Głowa, mowa, wierszyk, słowa.
Zic a rułka, koło, kōłka,
Galan, libsta, kołocz, zista,
Waszpek, krauza, ryczka, lauba,
Jajco, szupa, cipka, kwuka,
Moczka, szpajza, rugzak, rajza,
Młotek, majzel, zygor, wajzer.