A jo tyrōm

Roz w atlasie, w naszej klasie,
Zobrze a Glywice
bawiyły sie dobrze,
porobiyły wice
inkszym wsiōm,
a miastōm.
Zastoł żech ich przi tym.
Porzōndku sie chytōm
i sie pytōm:
kaj je Bytōm?
Tyn stary sklerotyk,
zaszoł do Tychōw, niy do tych.
A Łaziska, chocioż z bliska,
niy chciały Mikołōw pożyczyć.
Musioł żech muskle ćwiczyć
i deptać. We Reptach
trefiōł żech tam Piekary.
A tukej Bierōń Stary,
choć bōł sam jeszcze wczora,
to dzisiaj je we Żorach, we Raju.
Na kraju, z boku troszka,
brakuje śpioszka Toszka.
Tyn sie w Chorzowie chowie,
na banhowie.
Z bankōm sie wybiyro
ku Wyrōm.
A jo tyrōm i tyrōm…
Pomału dostowōm bzika.
Zawiyźcie mie do Rybnika,
kaj żech miyszkoł dycko.
Ulica znocie? Glywicko