2007.08.14
Idzie nowe
We wypłata, tak od lot,
po szychcie chodziył chłop
z kómplami do szynku na piwo.
Aż tu kedyś ón sie dziwo,
szynk je jakiś odmiynióny,
jakiś inkszy i czerwóny.
I barmanka tako młodo.
Mo czym dychać, jo wóm godóm.
Tóż pytajóm: co to znaczy?
Idzie nowe, taki czasy.
Szynk zmiyniyli, z chynci zysku,
na agyncjo towarzysko.
I tak po dwadziestu latach,
po skończyniu PRL -u,
nasze chopy na wypłata
doczekały sie ... burdelu.
Fojerman
|