2007.09.04

Grabowino

Grabowino, z lot młodości, co zostało z tamtych czasów,

z lot dzieciyncych, lot radości, z tych wónióncych majym lasów,

kaj skokali my po strómach, grziby zbiyrali koszami...



Grabowino, z naszych wspómniyń, o Waldwizie, o Potoku,

żol tak wszystkigo ogrómnie, aż sie płaczki szklóm we oku,

śladu niy ma już po dómach, pola zarosły chaszczami...



Grabowino zapómniano, gruba żywot ci zabrała,

szaroś, czornoś, zaniedbano, aleś w sercu mi została,

w głowie, we starych albumach, żyjesz moimi myślami...



Grabowino, ojców naszych, dycko ciepło o Cia wspómnia,

wiela dló nos ziymio znaczysz, dycko głowa nisko skłónia,

porzykóm w rodzinnych strónach, nad ojcowskimi grobami..


Fojerman