2006.05.02
Dziyń strażaka, czyli impreza
Ida z baru po cimoku,
piwo z biksy se popijóm,
ida tak drógóm, po boku
i auta czasami mijóm.
Wroz żech sie potoczył,
bo coś mi migło w oczy,
ktoś na mie z cimoka skoczył,
sóm niy wiym skónd, w środku nocy.
Już leża na chodniku,
ratuj - myśla - Florku świynty,
nady mnóm dwóch "pałkowników".
"Pan pozwoli dokumenty"
Skónd móm wziónś dokumynty,
jo ich zostawiył w dóma.
"Jedziemy do komendy,
będzie Pan dmuchał w alkomat".
Jo na kolana klynkóm:
"Panowie dejcie spokój,
strażacy majóm świynto,
to yno jest roz w roku"
Ale nic niy pómoże,
rynce do zadku skute,
już siedza w radiowozie,
jadymy na kogucie.
W straży dzwóni telefon.
"Czy robi tu taki i taki?"
Już słychać dużo śmiychu,
że jo trefiył do paki.
Sprawa już wyjaśniyli,
a jo jest już fest słaby,
zawiyźli mie po chwili
du dóm, prosto do baby.
Historia powstała mi w głowie,
a choć w bajeczki niy wierza,
dejcie pozór "niebiescy panowie",
bo jo móm jutro impreza.
Po to je nasza władza,
żeby pómogać nóm w życiu,
lepszy jednak przesadzać
w pisaniu, a niy w piciu.
Fojerman
|