|
|
2005.08.02
Dwa kolory
Trefiyły sie dwa kolory:
jedyn czerwóny, a drugi bioły.
Czerwóny pado: coś ty zjod,
żeś od tego całkiym zblod?
Tyn mu na to: jo je bioły,
bo niy pija jo gorzoły,
pija dziynnie yno mlyko,
bo na wiyncy mie niy styko.
Czerwóny mu na to paple,
(a jynzyk mu sie fest matle):
jo obala dziynnie halba
i beztóż móm tako farba.
Bioły na to: o mój Boże,
co ty widzisz w tym kolorze?
Wola być bioły po mlyku,
niż bez przerwy być na cyku.
A wy, kerzi to czytocie,
jaki kolor wybiyrocie ?
Jo sie cołki czas tu miynia:
co wybiyleja, to sie czerwiynia.
Fojerman
|
|