|
|
|
2008.12.25
Dobro a zło
Dzisiej w wierszyku tym Wóm opowiym,
Jak sie trefiyły roz zło ze dobrym.
Zło już z daleka zymbami zgrzito.
Dobro z uśmiychym o zdrowi pyto.
- Witóm sómsiadko, co u Cia słychać?
- Czy jo cie dycko musza spotykać?
Zaś cie sam widza. Móm cie już dość.
- Po co ta cało złość?
Na co te Twoji nerwy?
-Wkurzosz mie bez przerwy.
Zostałaś mojim wrogym.
-Tóż żegnóm, zostóń z Bogym.
Fojerman
|
|
