2017.08.10

Sztefek Brōnczymucha

Za Marią Konopniką „Stefek Burczymucha”

Kōnsek/fragment

Niy ma lōmpa kaj na swiecie,

Jak bōł Brōnczymucha Sztefek.

- Jo żodnego sie niy boja!

Choćby ber bōł... to ôbstoja!

Wilki? Jo te wszystki gizdy

Posiekōm, jak małe glizdy!

A lamparty, a te hiyny

To sōm dlō mie błozna jyny!

A tigery, a pantery

Powystrzylōm szlojdrym kerym!

Lew!... Co to je? Wielki kotek.

Jo czytoł we ksiōnżkach ô tym!

I znōm go tyż, to je gość,

Zły je yno, jak mo post.

Szakal a wilk? Ale wica!

To sōm wiynksze pieski przeca!...

(Brysia mijōm kajś daleko,

Bo niy mōm rod, jak co szczeko)!

Kōmu uznōm, to dōm rada!

(...)

Fojerman