Stanisław Neblik - Fojerman Godej, czytej a pisz po ślonsku
 
Ô mie
Piyrszo strona
Napisz do mie - kontakt 
Linki
Fraszki a powiedzynia
Velorex
Radzijów, Rybnik
Fraszki a powiedzynia II
Fraszki a powiedzynia III
Opowiadania
Fraszki a powiedzynia IV
Tłōmaczynia
Fraszki a ppwiedzynia V
Zwyrtki
Szpacyjka
Dlo dziecek
Tłōmaczynia II
Zwyrtki II
Dlo dziecek II
Zwyrtki III
O Tigrze we fligrze
Dlo dziecek III
Slónsk downiyj
Slónsk dzisiej
Ślónsk dzisiej II
Limeryki
Śpiywki ślónski
Limeryki II
Prziroda
Limeryki III
Ślabiczka
Wiersze roztomańte
Limeryki IV
Ślabiczka II
Wiersze roztomańte II
Limeryki V
Wiersze roztomańte III
O Fojermanie
O kocie w samolocie
Po polsku - dla dzieci
Po polsku - różne
Po polsku - dla dzieci II
Po polsku - dla dzieci III
Po polsku - różne II
To już było (archiwum)
Podziel sie sobom
Bruksela
Kiczka
Strasburg 2019
Gōrnoślōnsko Tragedyjo
Grabowina, moji gniozdo
Inksi ô nas
 


Licznik

o2u.pl - darmowe liczniki

Ksiónżka gości

 

Nowości i zmiany

27.10.2013

Rajzowani po czeskim Ślonsku, abo jadymy po oznaka.

     Mieli my dzisio tako piykno letnio pogoda, jak na kōniec października, tōż żol było siedzieć w dóma i wybroł żech sie ze znajōmymi trocha porajzować. Pojechali my pooglōndać pora zōmkōw na czeskim Ślōnsku, a miasto Opawa. Wyruszyli my z Rybnika bez Wodzisław, Chałupki, kaj my Skryncili na czeski Silherovice. Sam zrobiyli my se piyrszo sztela pod Zōmkym Silherovice.


Zómek Silherovice

 Poszpacerowali my kole zōmku, pooglōndali my, jak ludzie grajōm w golfa w parku przi zōmku i za jaki pół godzxiny ruszyli my dalij do Hlucina. Sam zajechali my nad woda, pochodzić trocha nad „rybnikym”. Z Hlucina ruszyli my do Kravare, kaj je inkszy piykny zōmek

Zōmek Kravare

Zōmek Kravare

Pole do golfa przi Zōmku Kravare

Zōmek Kravare

Zōmek Kravare

Pochodzili my kole zōmka, pooglōndali my tyż pole do golfa, kaj te chłopy, a baby jeździyli z jakimiś śmiysznymi wōzkami, kaj mieli taki kryki, co nimi klupali w jakiś bale. Potym brali zaś te wōzki i jechali dalij. Jo sie na tym golfie niy znōm, bo na szosyji i w oblyczce wola Polo. W tej Kravare zostali my trocha dłōżyj, kole godziny i potym ruszyli my zaś w drōga, ku inkszymu Zōmku Raduń

Zōmek Raduń

Zōmek Raduń

Zōmek Raduń


 Sam poszpacerowali my zas kole zōmka, do pojstrzodka my niy wlazowali, ani golfa my niy oglōndali, bo sam prawie niyma pola do golfa. Z Radunia pojechali my prosto do Opawy.

Ratusz w Opawie

Ślōnski Tyjater w Opawie

Ratusz w Opawie

Opawa


Sam poszpacerowali my po mieście, wypili my po kawie, piwie i trzabyło po mału ruszać bez Racibōrz na Rybnik, We Opawie szukoł żech Muzeum Ślōnskigo, i znod zech go, ale w pojstrzodku niy było zodnego przi niedzieli, tōz niy udało mi się dostac sztympla do tej ksiōnżeczki z Odznaki Gōrnoślōnskij. Mōm nadzieja, że tyn opis a fotki przekōnajōm kōmisyjo i uwierzōm mi, że bōł żech w Opawie. Musza pedzieć, ze je to fest piykne stare miasto, tōż zaproszōm tyz inkszych, co by się tam wybrali, a jo już myśla, kaj się wybiera na drugi roz, coby mi tych sztympli zaczło przibywac w tym hefcie. Ale to już możno na bez roz.

Fojerman


 

 
Copyright (c)2009-2024 {Stanisław Neblik - Fojerman}