2012-02-24
Kaczka cudoczka
Na podstawie „Kaczki dziwaczki” Jana Brzechwy
Nad rzekóm, tam kole krzoczka,
Miyszkała kaczka – cudoczka.
Dyć, zamias trzimać sie krzoka,
Wołała po wsi durch lotać.
Roz do frizjera kajś zaszła
I chciała półfóntek masła.
Na rogu stoła aptyka,
Tam chciała piynć kilo mlyka.
Z aptyki, z pismym pod parza,
Po znaczek szła do masarza.
Złe były kaczki okropnie:
„Dyć niech ta kaczka gynś kopnie.”
Na twardo niósłą se jajka,
Piyrzi wiónzała na szlajfka,
Ku tymu, kaczkóm na sprzika,
Czosać sie, brała szpyndlika.
Litery pisala w maczkach,
Tóż maku kupiyła paczka.
Na placu sznurki kajś znodła
I nudle miała do jodła.
A jak zeżarła dwa złote,
Padała, że wróci potym.
Starały sie inksze ptoszki:
„Co bydzie z takij cudoczki?”
Aż znod sie na nia roz kupiec:
„Na obiod móg bych jóm upiyc”
Kuchorz w brutfance jóm piecze,
A ślinka na kaczka ciecze.
Oroz przewróciół się znaczki,
Bo zajónc zrobiół sie z kaczki
I kómpie sie cały w moczce.
To tela o tej cudoczce.
Fojerman
|