Giskana Fojermana Loci wody po naszymu, nie yno do rymu
 
Danga
Linki
Velorex
Godōmy po naszymu
Ślōnsk znany a niyznany
Piyrszo strona
O mie
Napisz do mie - kontakt 
Fraszki a powiedzynia
Radzijów, Rybnik
Fraszki a powiedzynia II
Fraszki a powiedzynia III
Opowiadania
Dlo dziecek
O Tigrze we fligrze
Dlo dziecek II
Slónsk downiyj
Slónsk dzisiej
Ślónsk dzisiej II
Ślónsk dzisiej III
Limeryki
Śpiywki ślónski
Limeryki II
Prziroda
Wiersze roztomańte
Wiersze roztomańte II
Wiersze roztomańte III
O Fojermanie
O kocie w samolocie
Po polsku - dla dzieci
Po polsku - różne
Po polsku - dla dzieci II
Po polsku - dla dzieci III
Po polsku - różne II
To już było (archiwum)
Podziel sie sobom
Bruksela
Miszmasz
Kiczka
Godej_haslo
Wożymy
Rybnicki rōnda
 


Licznik

o2u.pl - darmowe liczniki

Ksiónżka gości

 

Nowości i zmiany

2010.10.24


We Włochach


Ze seryje”O Tigrze we fligrze”


Doszła do uszów kotka

Tako niewinno plotka,

Że je na świecie kraj,

Kaj

Ludzie miyszkajóm w szczewiku.

Wyczuł,

Że to je dló niego sprawa.

Wyprawa

Sie nowo szykuje.

Już we Włochach lónduje

I ruszo na połednie.

Uznoł, że se nie siednie,

Aż do Lecce zaleci.

A wiycie po co, dzieci?

Po co aż tak daleko?

Bo chce sie znojś w krómfleku!

Potym polecioł dalij,

Ruszół na północ, bez Bari.

Już je pod Neapolym,

Leci na przimo bez pole,

Prosto do Wezewiusza.

"Tyż go odwiydzić musza!"

Biydny, ledwa już dycho,

Dyć mu sie festy śpiycho,

Niy mo za dużo czasu,

Bo na Pietrowym Placu

Papiyża trefić mo,

Tóż już do Rzymu gno.

Bezmała widzieli już Tigra

Na prawym brzegu Tybra.

We Watykanie, przi wrotach,

Trefiół jakigoś kota.

"Czy to je rychtyk kot włoski?

Mo taki śmiyszne włoski.

Taki jakiś nieherski."

" - Jo je przeca kot perski.

Jo je rasa szlachecko."

" - Dyć, to wiy kożde dziecko,

Że perski sóm tepichy!"

I dodoł jeszcze ze śmiychym:

" - Nie wiyszej mi sam nudli!"

I za szkuty go kudli.

Dyć, czasu ni mo za wiela,

Bo przeca je niedziela,

Trza lecieć pod Katedra.

Już chcioł kota pożegnać,

Ale tyn mu obiecoł,

Że oba tam polecóm,

Bo ni mo nic do roboty,

Tóż Włochy zwiydzóm dwa koty.

Po odwiedzinach Papiyża,

Obejrzeć chcóm krziwo wieża

I bez pola, najbliżyj,

Lecóm prosto do Pizy.

"Ta wieża krziwo stoji!"

Tóż Tiger sie trocha boji,

Że sie na niego przewroci.

Woloł sie nazod wrócić,

Bo musi jeszcze kóniecznie

Zalecieć do Wenecje,

Popływać na góndoli.

Jego przociel, pers, woli

Chodzić po suchym lóndzie,

Tóż na Plac Marka póndzie

I Pałac Dożów zwiydzi,

Bo zaroz po obiedzie,

Trza ruszać na północ dalij.

Prawie sóm przi La Scali,

Chodzóm po Mediolanie.

" - Co to je za wyskani?

Co za kocio muzyka?

Uszy trzeba zatykać."

"  - Przeca to je opera,

Bo je festiwal teraz."

Tiger nie rod to słyszy.

Choćby piszczały myszy.

Głowa od tego go boli,

Tóż du dóm wrócić woli.

Nie chce miyszkać w szczewiku.

Już fliger we chmurach zniko.


Fojerman
 
 
Copyright (c)2009-2017 {Fojerman}