Giskana Fojermana Loci wody po naszymu, nie yno do rymu
 
Danga
Linki
Velorex
Godōmy po naszymu
Ślōnsk znany a niyznany
Piyrszo strona
O mie
Napisz do mie - kontakt 
Fraszki a powiedzynia
Radzijów, Rybnik
Fraszki a powiedzynia II
Fraszki a powiedzynia III
Opowiadania
Dlo dziecek
O Tigrze we fligrze
Dlo dziecek II
Slónsk downiyj
Slónsk dzisiej
Ślónsk dzisiej II
Ślónsk dzisiej III
Limeryki
Śpiywki ślónski
Limeryki II
Prziroda
Wiersze roztomańte
Wiersze roztomańte II
Wiersze roztomańte III
O Fojermanie
O kocie w samolocie
Po polsku - dla dzieci
Po polsku - różne
Po polsku - dla dzieci II
Po polsku - dla dzieci III
Po polsku - różne II
To już było (archiwum)
Podziel sie sobom
Bruksela
Miszmasz
Kiczka
Godej_haslo
Wożymy
Rybnicki rōnda
 


Licznik

o2u.pl - darmowe liczniki

Ksiónżka gości

 

Nowości i zmiany

2010.10.21


Na Safari


ze seryje „O Tigrze we fligrze”


Tiger wandruje dali.

Wybiyro sie na Safari,

Bo mu godajóm gupoty,

Że tam dziepiyro sóm koty.

Chce sie przekónać sóm,

Czy tam kuzyny sóm.

"One bezmała sóm dziki."

Leci kot do Afryki.

Pomyśloł o gyszynku,

Nie chcioł iś z próznóm rynkóm.

"To przeca nie pasuje."

Już we Biedrónce kupuje

Trzi szekulady mlyczne.

"Móm nadzieja, że styknie.

Wiyncyj przeca nie dźwigna

I mie nie puszczóm do fligra."

Mijo już Morze Śródziymne,

Tóż kómbinuje i drzymie,

Myśli, jako ich pozno.

"Siedzóm na strómach możno?

Abo śpióm kajś nad rzykóm?

W jakim godajóm jynzyku?"

Przilecioł kot na pustynia.

"Sam nima wcale ciynia!"

Z daleka zejrzoł krzok,

Tóż se we ciyniu siod.

Dy...dy...dyć...

"Dejcie żyć.

Tam na wiyrchu coś siedzi."

Nie wiedzioł, co powiedzieć.

" - Cze...cze...cześ!"

Je to pies?

Dyć nie szczeko,

Yno czeko.

Lampart sie ruszół.

A Tiger musioł

Brać nogi za pas.

Za jakiś czas

Za sia sie obejrzoł

I zejrzoł

Potwora z wielkóm grziwóm.

A tyn sie krziwo dziwo.

"Lew!"

Ale pech.

Chce Tigerka zeżrać.

"Wezna,

Dóm mu szekulady."

Blady,

Jak osika sie trzynsie.

A lew myśli o miynsie

I o jodle.

Nogle

Coś spadło lwowi pod pysk.

Zlynk

Sie tym, zaskoczóny.

A Tiger z drugij stróny

Pognoł prosto przed siebie.

Nie wiy,

Kaj sie mo teraz skryć?

"Dyć,

Pies nie wylezie na stróm,

A sam wszyndzi sóm

Koty."

Po tym,

Co go sam spotkało,

Kotu sie odechciało

Szukać kuzynów.

Yno

Doczołgoł sie do fligra

I tela widzieli sam Tigra.


Fojerman
 
Copyright (c)2009-2017 {Fojerman}