Giskana Fojermana Loci wody po naszymu, nie yno do rymu
 
Linki
Velorex
Godōmy po naszymu
Ślōnsk znany a niyznany
Piyrszo strona
O mie
Napisz do mie - kontakt 
Fraszki a powiedzynia
Radzijów, Rybnik
Fraszki a powiedzynia II
Fraszki a powiedzynia III
Opowiadania
Dlo dziecek
O Tigrze we fligrze
Dlo dziecek II
Slónsk downiyj
Slónsk dzisiej
Ślónsk dzisiej II
Ślónsk dzisiej III
Limeryki
Śpiywki ślónski
Limeryki II
Prziroda
Wiersze roztomańte
Wiersze roztomańte II
Wiersze roztomańte III
O Fojermanie
O kocie w samolocie
Po polsku - dla dzieci
Po polsku - różne
Po polsku - dla dzieci II
Po polsku - dla dzieci III
Po polsku - różne II
To już było (archiwum)
Podziel sie sobom
Bruksela
Miszmasz
Kiczka
Wożymy
Rybnicki rōnda
 


Licznik

o2u.pl - darmowe liczniki

Ksiónżka gości

 

Nowości i zmiany

2010.10.13


O Tigrze we fligrze


Poczóntek


W jednej bojkowej wsi,

(Zwierzynco nómer 3 -

Tabulka była na płocie),

Znod sie mamulce kocij

Malutki kocik.

Co było potym?

Przoli mu tata z mamóm

I Tiger mu dali na miano.

Możno ta historyjo,

Prziśni mi sie dopiyro

I wtedy Wóm opisza,

Wszystko, co sóm usłysza .

Tiger przejrzoł na oczy,

I już na dwór wyskoczół.

Minyło pora dni

I znało go pół wsi,

Ón też o kożdym wiedzioł,

Bo w miejscu nie usiedzioł.

Staro sie biydno mama,

Że siedzi w dóma sama

I załómuje rynce.

Prosi: "- Nie lotej wiyncyj."

A kotek prawie na opak,

Yno chce lotać i lotać.

Udowo, że nie słyszy

I nie chce chytać myszy.

Staro sie kotka biydno,

A Tiger yno jedno

I to samo:

" - Mamo,

Jo chca świat poznać dookoła."

" - Przeca na to je szkoła.

Tam sie wszystkigo nauczysz."

A Tiger siedzi i mruczy.

Wybroł sie kedyś na wiosna

Miedzkóm, kaj brzózka rosła.

Zwiydzoł po dródze wszystko,

Aż trefiół na lotnisko.

"Jaki ogrómne zwierza!

Coby mie yno nie zeżar."

Skrodo sie rantym Tiger

I widzi, że to je … fliger.

"On furgo w lufcie po świcie."

Możecie sie śmioć, jak chcecie,

Możecie nie wierzyć kotu.

Ón sie szykuje do lotu!

Chce po świecie rajzować,

I cudze kraje poznować.

Sam już mu je za blisko.

Bo już sam widzioł wszystko.

"Poleca do Afryki,

Potym do Ameryki,

Bez zima odwiydza pingwiny,

Bez lato w morzu rekiny."

Padocie nie do rady?

Ón zno nie taki spady.

Bo to je kot nad koty.

Co dalij? Napisza potym.


Fojerman

 

 
Copyright (c)2009-2017 {Fojerman}