Zy mie ni ma żodyn rechtōr, tōż nie byda Was sam „uczōł” godać po naszymu. Sprōbuja yno wyjaścić pora spraw, z kerymi sōm mōm problymy, abo coch sie z nimi spotkoł na ślōnskich forach. Na pewno nie bydzie to cało wiedza o slōnskij godce, a jedynie pora przikładów. Kto chce sie dowiedzieć wiyncyj, to musi poszukać w fachowych ksiōnżkach.
Na poczōntku pora uwag; kaj bydzie pisać „ō”, to je to ślōnsko literka, tako ja we słowie kōń, słōńce.
Byda sam pisoł podle rybnickij pisownie, tōż na pewno bydzie to trocha inksze, niż kole Katowic, abo kole Opolo, tōż Wy piszcie, abo godejcie, jako sie godo u Was.
Przikłady:
Was – wos
kery – ftory
ni – niy
był – bōł
sztwierć - ćwierć
Mie sie rozchodzi bardzij o to, co by sam pokozać pora ślōnskich słōwek i zastosować ich we zdaniach.
Byda sam dociepowoł materiały, tōż czytejcie i piszcie uwagi. Piszcie tyż, z czym mocie problymy w godce, abo jaki felery znojdziecie w tych mojich tekstach