Stanisław Neblik - Fojerman Godej, czytej a pisz po ślonsku
 
Ô mie
Piyrszo strona
Napisz do mie - kontakt 
Linki
Fraszki a powiedzynia
Velorex
Radzijów, Rybnik
Fraszki a powiedzynia II
Fraszki a powiedzynia III
Opowiadania
Fraszki a powiedzynia IV
Tłōmaczynia
Fraszki a ppwiedzynia V
Zwyrtki
Szpacyjka
Dlo dziecek
Tłōmaczynia II
Zwyrtki II
Dlo dziecek II
Zwyrtki III
O Tigrze we fligrze
Dlo dziecek III
Slónsk downiyj
Slónsk dzisiej
Ślónsk dzisiej II
Limeryki
Śpiywki ślónski
Limeryki II
Prziroda
Limeryki III
Ślabiczka
Wiersze roztomańte
Limeryki IV
Ślabiczka II
Wiersze roztomańte II
Limeryki V
Wiersze roztomańte III
O Fojermanie
O kocie w samolocie
Po polsku - dla dzieci
Po polsku - różne
Po polsku - dla dzieci II
Po polsku - dla dzieci III
Po polsku - różne II
To już było (archiwum)
Podziel sie sobom
Bruksela
Kiczka
Strasburg 2019
Gōrnoślōnsko Tragedyjo
Grabowina, moji gniozdo
Inksi ô nas
 


Licznik

o2u.pl - darmowe liczniki

Ksiónżka gości

 

Nowości i zmiany

Wiela je godzin?


Godziny po ślōnsku.

Doba mo dycko 24 godziny, ale u nas skłodo sie z dwōch czynści po 12 godzin.

Ni ma czegoś takigo, jak (13:00) godzina trzinosto. Je jedna po połedniu

Po ślōnsku pytōmy sie dycko: wiela je godzin!, a nigdy kero je godzina!

Pełne godziny:

1:00 – jedna a niy piyrszo
2:00 – dwie, a niy drugo
5:00 – piynć, a niy piōnto
7:00 – siedym, a niy siōdmo
10:00 – dziesiynć, a niy dziesiōnto
12:00 – dwanoście, a niy dwanosto.

Godzina dzieli sie na: sztwierci : sztwierć, pōł, trzi sztwierci i pełno godzina

Ni ma pojyncio kwadrans, je sztwierć godziny

Przikłady godzin:

1:02 – jedna a dwie minuty, abo dwie minuty po jednej
3:05 – trzi a piynć minut abo piynć minut po trzecij
11:09 – jedynoście a dziwiynć minut, abo dziewiynć minut po jedynostej
7:12 – siedym a dwanoście minut, abo za trzi minuty sztwierć na ōsmo
4:17 – sztwierć na piōnto a dwie minuty, abo dwie minuty po sztwierć na piōnto.
8:20 – dwadziścia po ōsmej, abo za dziesiynć pōł dziewiōntej.
2:27 – za trzi minuty pół trzecij.
8:29 – za minuta pōł dziewiōntej.
6:32 – dwie minuty po pōł siōdmej, abo pōł siōdmej a dwie minuty.
10:35 – piynć minut po pōł jedynostej, abo pōł jedynostej a piynć minut
5:40 – za dwadziścia sześć
4:43 – za dwie minuty trzi sztwierci na piōnto 
 
 2:45 – trzi sztwierci na trzecio
8:46 – minuta po trzi sztwierci na dziewiōnto
11:48 – trzi minuty po trzi sztwierci na dwanosto abo za dwanoście (minut) dzwanoście
1:50 – za dziesiynć dwie
8:52 – za osiym (minut bydzie) dziewiynć
7:55 – za piynć (minut bydzie) osiym
10:57 – za trzi minuty jedynoście
 
 
Ważne coby godać wiela a nie kero:

 
2.05  - dwie a piynć minut, abo piynć po drugij, a nigdy drugo a piynć minut
 
10.55 - za piynć jedynoście , a nigdy za piynć jedynosto   

Jak chcymy okryślic czas „mniyj- wiyncyj”, to idzie pedzieć dochodzi, abo przeszło, np.:
1:13 – dochodzi sztwierć na drugo
8:28 – dochodzi pōł dziewiōntej
11:32 – przeszło pōł dwanostej
7:43 – dochodzi trzi sztwierci na ōsmo
8:57 – dochodzi dziewiynć

Godziny do połednia i po połedniu rozrōżniōmy w zależności od sytuacje.

Jak ktoś powiy:

Przida do ciebie na kawa o piōntej,

to kożdy wiy, że raczyj o piōntej po połedniu, a ni rano,

abo:

Ida do kościoła na jedynosto,

to tyż raczyj przed połedniym, a ni w nocy.

Jak godōmy , o czymś niejednoznacznym, to trza zaznaczyć, np.:

Przijechali my ze wczasōw znad morza o jednej w nocy,

abo:

Chodza dziynnie do roboty na szōsto wieczōr

W zależności od sytuacje godōmy: w nocy, o pōłnocy, nad ranym, rano, do połednia, w połednie, po połedniu, pod wieczōr, wieczōr atp.



Przikłady zastosowanio godzin we zdaniach:


Stowōm dycko o trzi sztwierci na piōnto bo robia na dziyń

Antek społ dzisiej do jedynostej, bo mo na drugo, tōż dłōżyj posiedzioł w nocy

Lekcje we szkole trwajōm trzi sztwierci godziny

Autobus do Rybnika jeżdzi dycko co sztwierć godziny, yno w niedziele co trzi sztwierci godziny. Po jedynostej wieczōr je przerwa do piōntej rano

Franek śpiycho sie do szkoly, bo mo na ōsmo, a już je trzi sztwierci a trzi minuty

Autobus mioł sam być dwadziścia po jednej, a już je przeszło pōł drugij, tōż mo tela spōźniynio. A możno mie sie śpiycho zygarek?

Już dochodzi sztwierć na ōsmo, tōż Zeflik piluje du dōm, co by zdōnżyć na Dziynnik

Już przeszło trzi sztwierci godziny, a tyn syndzia nie chce kōńczyć meczu, tōż kibice gwiżdżōm na niego.

O dwanostej w połednie w kościele zwōniōm na Anioł Pański

O piōntej nad ranym zaczły śpiywać ptoki i mie obudziły.

Obiod jym przeważnie o drugij po połedniu

Taki fajny film, a puścili go po pōłnocy, o sztwierć na jedna


Sōm to yno przikłady, kere pōmogōm możno kōmu lepszy „poznać na zygarku” po naszymu. Na pewno nie pokazuje to wszystkich sytuacyji, ale możno zachynci kogoś do nauczynio sie poznowanio godzin po naszymu. Czekōm tyż na Wasze uwagi, spostrzeżynia a maile


Fojerman

 

 
Copyright (c)2009-2024 {Stanisław Neblik - Fojerman}