2007.12.07
Slónzoku, niy ma Ci żol
Ślónzoku, niy ma Ci żol,
Tych rzyków i luftów czystych,
Tych familoków sam, kaj
Starziki miyszkały dycki?
Ślónzoku, niy ma ci żol,
Żeś se to zniszczyć tak doł?
A Ślónzok na hołdy zaglóndo
I płaczki z oczów mu lecóm,
Bo skuli czornego wónglo,
Doł zniszczyć Ślónsk nasz przeca.
Ślónzoku, niy ma Ci żol...
Ślózok to widzi we śnie,
Te stare obrozki sprzed lot,
W oczach mo, w noce i dnie,
Tyn świat, co keryś mu skrod.
Ślónzoku, niy ma Ci żol...
Tóż chyć sie, odbuduj to,
Co zostawili nóm ojce,
Co by za pora zaś lot
Żyło sie sam, jak w bojce.
Ślónzoku, niy ma Ci żol...
Sam może być zaś piyknie,
Czysto, porzóndnie, jak w niebie.
Nie trza nóm wiela: styknie
Zaczónć przemiana od siebie.
Fojerman
Uwaga. Śpiywac do melodyje "Góralu nie ma ci żal"
|