2007.08.16
Pod wiela w sercach naszych
Pod wiela w sercach naszych
Te słowo żyje: Ślónsk,
Pod wiela dlo nos znaczy
To: Ojcowizna, Dóm...
Ref.
Niech żyje dali w zgodzie,
Nasz ślónski, stary lud,
To wtedy nóm pómoże
W przetrwaniu Ojciec, Bóg.
Pod wiela jest pod ziymióm
Ostatni wónglo kyns,
Tak dłógo ślónsko godka
Mo jeszcze jakiś syns.
Niech żyje dali w zgodzie...
Pod wiela stojóm szyby,
Symbole naszych grub,
Wachować sam bydymy,
By nie zaskoczył wróg.
Niech żyje dali w zgodzie...
Pod wiela nasza gwara
Je żywo w kożdym z nas,
Pod tela żywo wiara:
Przetrwómy kożdy czas!
Niech żyje dali w zgodzie...
Fojerman
Uwaga. Śpiywac do melodyje "Jak długo na Wawelu"
|