2008.05.30

Moji miasto

Moji miasto z tego słynie:

Mo najwiyncy w świecie rónd,

Sam Nacyna, Ruda, płynie

I jo tyż pochodza stónd.



Mómy sam sztuczne jeziorko,

Tam, kaj z wónglo robióm sztróm,

Woda dycko mómy gorko,

Ryby w niyj, jak smoki, sóm.



Jak jo zejrza te kuminy,

A w nich tyn znajómy kurz,

Nie trza mi widoków innych,

Je żech przeca w dóma już.



O patrońie, Antóniku,

Tyż sam trocha spómnieć trza,

On wachuje nas w Rybniku,

Tóż bezpieczni my sóm, pra.



Moji miasto, taki piykne,

jo mu je ogrómnie rod,

Mój Rybniku, dziynki, styknie,

Tyś sie w serce moji wkrod..


Fojerman