2008.11.21

Moji mali przociele

Och, gynsipympki żółte,

Coście pole porosły

Ozdobiocie go piyknie,

Od nowa kożdej wiosny.



Och, brzózki siwobrode,

Przistrojocie go szumnie,

Kłaniocie sie na wietrze

I uśmiychocie skrómnie.



Och, ptoszki roztoliczne,

Wróble, skowrónki, szpoki,

Co śpiywym wychwolocie

Te cudowne widoki.



Och, słónko, tam na niebie,

Co sie uśmiychosz dó nich

I, jak mijosz te stróny,

Poradzisz sie ukłónić.



Och, wszystki ptoki, kwiotka,

Jo przaja fest wszystkim Wóm,

Moji mali przociele,

Sam kedyś stoł tyż mój dóm.



Fojerman