2023.12.26

Julian Tuwim

Pōn Malutkewicz a wieloryb

/kōnsek/

(...)

Bōł se pōn Malutkewicz

Nojmyńszy na świecie chyba.

Wszyjsko już poznoł a widzioł,

Yno niy wieloryba. 

Pōn Malutkewicz bōł – telki,

Jak ziorko z kawy drobny, 

A ku tymu rajzownik,

A ku tymu zwiedowny.

Tōż niy ma sie co dziwić,

Że ujzdrzeć chcioł wieloryba,

Bo wieloryb je fest srogi,

Nojwiynkszy na świecie chyba.

Pōn Malutkewicz wesoły, 

Mioł ze rajzy uciecha,

Zrobiōł se na poczōntek

Szif ze szupy z ôrzecha. 

A coby miynko mu było,

Na spodku watōm posłoł,

A potym z jednego kołka

Wystrugoł sztyry wiosła.

Wziōn celt a wina beczka,

Ku tymu miech ze jodłym, 

Koło a inksze norzyndzia -

 Wszyjski na szifie sie znodły.

(...)

Stanisław Neblik - Fojerman